Non deixez morir a mía voz

Ánchel Conte: "Non deixez morir a mía voz"

May, mírame as mans;

as traigo buedas,

lasas d’ amar...

Son dos alas 

d’ un viello pardal

que no puede

sisquiera volar,

 

May, mírmae os güellos,

n’o cielo perdíus

n’un fondo silencio...

Son dos purnas

chitadas do fuego

que no alumbran

ni matan o chelo.

 

May, mírame l’alma

afamada de sete,

enxuta d’ esperanza...

Y en campo labrau

an no i crexen qu’allagas

que punchan a vida

dica qu’a matan.

 

May, mírame a yo.

¿Me reconoxes, may?

Fue o tuyo ninón...

Uey so un home

que no sé cómo só.

May, ¿me reconoxes?

¡¡ May, ¿ni sisquiera tú?!!