O BOLITO D'AS SISELLAS

O BOLITO D’AS SISELLAS

"solanar y lucernario aragonés"

"A tornada permitió á Alonso aprender més cosas d’ o bestiar, d’ as razas d’ as güellas, a millor a rasa; e d’ as bacas royas pirenencas, que dan poco lei, pero son fuertes; e que o nombre dos animals cambea seguntes a edá, cosa reyalmén extraordinaria que nunca no ese puesto prexinar: una betiella, una anolla, una bima, una baca, una utrera, una frescuada; un gorrín, un fraxengo, un añal, un tresañal.
E que os mastos no només cubriban as fembras, sino que si lo feba un guarán a una somera se diziba saltar, e si cubriba á una yegua, caldar; que o toro toriba, o berrán barriba, o buco buquiba e o corder amerrezaba...

A color morata intensa d’a orella d’onso yera mes que un color, yera tamién un desinfectán de nafras, ifula como lo pericón, d’ un amariello raxoso acomparato con o tono cuasi berde d’ o ixarruego, remeyo ta las andaderas; l’amargón, azul cuasi blanco, baleba ta pixar; as fuellas d’a corniera ta purgar-se, o sabuquer ta tusir... E as ulors, ai as ulors d’ espícol, d’ o tremonzillo, d’ o fenollo, d’ o perigüel...

(Ánchel Conte, "O bolito d’as sisiellas" / El vuelo de las torcaces)